扶手電梯上一層就到, 一入門口就見到魚缸位. 見到海鮮幾生猛, 海水望落幾清澈通透, 而且地方尚算乾淨企理, 看來衛生管理不錯, 食得放心!
天氣寒冷又乾燥, 需要滋潤一下, 於是鍋底就選了椰子清遠雞鍋: $248(一隻)
清遠雞好大隻好大碟, 相信真係足一隻大雞, 雞件椰肉都好多, 沒有偷工減料! 湯底本身已經有椰汁, 湯底一滾起就先到有椰油浮面. 湯底彌漫清潤椰子雞湯味, 真材實料份量足!
即炸嚮鈴 $48
朋友熱愛嚮鈴, 第一款配料就點了. 嚮鈴真的是即炸的, 上到枱還是熱的, 在鍋裡淥兩三下已經足夠, 外層依然非常鬆脆, 內裡湯汁滲出!
本地特級手切牛$298(大)
牛肉, 對我來說, 是打邊爐的必需品, 沒有牛就不是打邊爐. 今次點了本地特級手切牛, 牛肉十分新鮮, 脂紋幼細而且分布連密, 肉質嫩腍帶有香羶味, 不韌不鞋口.
本店製鮮牛丸 $68
跟平時吃點心的牛肉球很相似, 但一看就知是鮮牛肉造的, 內裡混入馬蹄, 肉球結實彈滑之餘還有陣陣果皮香!
蟹籽墨魚滑 $58
蟹籽墨魚滑是我喜愛的打邊爐配料之一, 咬落啖啖彈牙, 充滿蟹籽及墨魚味!
蘿蔔件 $28: 蘿蔔是跟火鍋是絕配, 湯底加入蘿蔔後, 味更甜. 而蘿蔔吸收了湯底後, 倍覺爽甜, 兩者是相得益璋!
皇帝菜/油麥菜/唐生菜 $38
以往打邊爐愛吃肉, 現在知道飲食得均衡, 吃菜也多了, 而且潮福的菜很新鮮, 我們吃到最後不禁ENCORE. 菜上一上枱已見十分翠綠, 完全找不到枯黃或破爛的地方, 菜浸一會便已經吸收到濃郁的湯底, 吃上來就倍加爽甜!
海南花螺 $168 (一斤)
花螺隻隻都大隻, 在鍋底滖上一段時間, 再沾點辣豉油, 把鮮甜完全帶出來, 隻隻大大啖肉, 仲有一點沙也沒有, 讚呀!
埋單平均每人$380, 總括來說, 真材實料用料足, 新鮮而且份量夠, 絕對會再來!
