樺得園 (Closed)

因為近排對生酮有啲研究，出街搵食都會注意下，今次嚟呢間有賣生酮漢堡嘅店試下。全日早餐不嬲唔抵食，係食個環境，呢個都唔例外，味道一般。個夾餅係幾出色，但佢比漏左牛油我，個沙律又冇落油醋。另一個叫左個生酮200g牛肉漢堡，其實做得好唔錯，雖然呢個生酮包皮味道冇乜，可以做好啲，但佢個醬同牛肉好味。但係有個致命位係呢次令我對間餐廳失望，就係佢塊漢堡扒未焗熟，要知道雖然佢係牛肉，但唔係牛扒，牛肉唔熟會有病菌。而且紅色生嗰到仲要凍。佢之後同我焗返，但始終唔熟，仲要拆散過個包。最後個女服務員仲怪我冇同佢講全熟，但其實常識都知漢堡扒係要全熟啦，佢仲要同個客爭勝。總結雖然味道還可以，但希望佢下次問我要幾成熟，真係唔知佢「特色」係漢堡扒食生。