閒日放假盡量周圍去睇吓
午市或下午茶時段
可以試吓食唔同嘅嘢
今日朝早已經食咗啲嘢先出街
諗住去新城市行吓
路過見到呢間嘢主打食漢堡包
就入去食個下午茶
由於我哋兩個人都食咗嘢
而且已經係下晝三點幾
驚食太多，食唔落晚餐
於是我哋嗌左一個大菇打扁漢堡
加薯條同一杯咖啡，再加個藜麥沙律
薯條好快就送到
係黑松露薯條，聞到少少嘅黑松露味道
味道其實都唔錯嘅
可惜唔係太熱，減咗少少分
然後就係藜麥沙律🥗
沙律嘅菜都OK，而且加咗沙律醋幾開胃
跟住就到杯咖啡，不過不失
主角漢堡包上場，幾靚
食落牛肉好Juicy，好有肉汁
呢個真係幾驚喜，值得一試
