味口福 (Closed)

又係時候發掘一下平嘅嘢食啦，今次黎到筲箕灣，唔想食飯食粉麵，所以選擇嚟到呢間係天悅商場裏面，地下個一層嘅味口福，見到佢哋嘅價錢都唔算貴，同埋新開咗冇幾耐，所以想試一試，亦都支持一下小店。呢間小店主要系賣漢堡包、熱狗、蛋包飯等等。我哋冇叫到熱狗，但係見到隔離嘅客人有叫黎食，個size都幾大，我相信晚餐食熱狗再加埋個蛋包飯，兩個人食嘅話都夠飽嘅。我哋一齊來睇一睇個餐牌有另外一張餐牌，寫咗唔同款式嘅漢堡包，你都可以自行去配搭其他嘅醬料，我哋選擇叫咗牛肉漢堡，加一個漢堡扒蛋包飯。首先去咗個收銀處嗰度俾錢，然後就拎住以下呢一個盒仔放喺枱面上面，專放盒仔嘅位置，員工上完餐就會收走架喇。牛肉漢堡配蜂蜜醬除咗漢堡包裏面個餡同埋醬汁之外，你亦都可以選擇追加其他嘅配料，例如係芝士、煙肉、蕃茄生菜等等。我哋冇選擇到追加，純粹係因為嘗試真啲佢漢堡扒嘅味道。呢個漢堡扒都不過不失，唔算係好多肉汁，但都好過麥記嘅漢堡扒嘅。薯角配茄汁雖然冇炸得好熱辣辣，但係個份量都好足夠嘅，都幾飽肚。香煎牛肉漢堡扒蛋包飯個醬汁都係可以自己選擇，我哋都揀錯左蒜蓉汁，個味道非常之唔夾，其實賠茄汁應該會係比較好。唔知點解都係牛肉漢堡扒，呢