Honbo (Closed)

南豐紗廠有好多唔同嘅Cafe，仲有呢一間專賣漢堡包嘅小店。餐廳位置唔容易搵，要轉去角落近空中花園嗰度。座位都有少量。我哋見選擇都好多，當然食招牌漢堡包。另外店員介紹可以食炸蠔漢堡包都唔錯，都幾多人選擇。我哋就揀咗呢兩款漢堡，再加一個薯條及飲品。招牌漢堡麵包夠軟熟，漢堡牛肉味道唔錯。漢堡肉面層有少少脆，牛肉味幾香，肉質都幾Juicy.炸蠔漢堡要好大啖咬落去，炸蠔都幾大件，夾埋漢堡好大舊。蠔其實整得唔錯，唔會腥，幾香脆。以為漢堡份量唔算大，但係都好夠飽，薯條份量多，係粗嘅薯條。