大和牛石燒專門店 (Closed)

之前已經食過呢間石燒牛專門店，愛上咗佢地嘅A5和牛。今次嚟發現佢地多咗七款漢堡包🍔，亦有牛肉以外嘅選擇。🍔軟殼蟹阿波尾雞蛋漢堡 加珍寶啡菇 $82 + $14漢堡包稍稍煎過，帶點香脆。吉列軟殼蟹非常大隻，淋上芝士後依然鮮味十足。阿波尾雞蛋煎到有少少燶邊，但蛋味唔算濃郁。另加嘅大啡菇味道鮮美，令漢堡變得冇咁油膩。整體嚟講一啲都唔hea，可以媲美漢堡專門店😋。🥩日本A5和牛肉眼蓋 200g $278200g 牛肉合共14塊。本身肉眼脂肪較多，和牛嘅油香更加充足。肉質軟腍鮮嫩。以呢個價錢食到A5和牛十分滿足。