Video
Read full review
2020-05-14
437 views
一早book咗位，見好多食評都讚環境靚，但去到先知坐到好逼擠逼，而且好滿座，lunch time時間嘈到酒樓咁，同想像中好有出入。去到嗌嘢食，嗌咗一個燒雞扒飯同明太子雞翼飯，結果等咗20分鐘後，侍應行過嚟無乜禮貌咁話：「你哋張單漏咗落，你哋再order過啦」然後再等，由頭到尾等咗差唔多50分鐘先有得食，真係離晒譜，眼見身邊兩枱都已經食完走人，我哋個餐先啱啱到。成場都好爆，卻只有兩個侍應，一個負責探熱，真正負責客人落order同送餐嘅只有一個人，而兩個侍應顧住傾計食物方面，份量極細。明太子雞翼見住佢擺入微波爐叮。至於雞扒飯，只係一塊極為普通腥腥地味既雪藏雞扒，又細塊，真係出去茶餐廳俾五六十蚊嗌個雞扒飯大件夾抵食好過。加廿幾蚊要杯凍matcha latte 好多冰又勁稀，另外加廿幾蚊杯凍柚子同一杯普通柚子蜜無乜分別。真係唔好俾佢個賣相呃咗，觀塘呢個價錢有太多更好嘅選擇
去到嗌嘢食，嗌咗一個燒雞扒飯同明太子雞翼飯，結果等咗20分鐘後，侍應行過嚟無乜禮貌咁話：「你哋張單漏咗落，你哋再order過啦」
然後再等，由頭到尾等咗差唔多50分鐘先有得食，真係離晒譜，眼見身邊兩枱都已經食完走人，我哋個餐先啱啱到。
成場都好爆，卻只有兩個侍應，一個負責探熱，真正負責客人落order同送餐嘅只有一個人，而兩個侍應顧住傾計
食物方面，份量極細。明太子雞翼見住佢擺入微波爐叮。至於雞扒飯，只係一塊極為普通腥腥地味既雪藏雞扒，又細塊，真係出去茶餐廳俾五六十蚊嗌個雞扒飯大件夾抵食好過。加廿幾蚊要杯凍matcha latte 好多冰又勁稀，另外加廿幾蚊杯凍柚子同一杯普通柚子蜜無乜分別。
真係唔好俾佢個賣相呃咗，觀塘呢個價錢有太多更好嘅選擇
8 views
0 likes
0 comments
Post
