Gastrobox (Closed)

踏入honey生月，最愛食海鮮o既佢話好想食西餐，見尋晚早收，所以就黎接小肥收工，一齊行去附近新開冇耐o既「Gastrobox」度撐枱腳 。位於銅鑼灣其中一幢飲食大廈內o既「Gastrobox」佔用全層面積，樓底雖然唔係話咁高，不過合拼式散座用上雲石餐桌，配上透紗窗簾，裝潢勝在簡潔優雅 。燭光晚餐襯埋水晶玻璃杯及小花盆擺設 ，氣氛極之羅曼蒂克。其實用餐時，飲酒都係一杯起，兩杯止最為健康，兩個人食飯真係未必會想飲哂成枝酒架。經姐姐仔介紹，得知餐店現正推廣一人三酒優惠，每位$98就可享齊紅酒、白酒及汽酒各一杯，剛好做就兩口子o既不同口味 ，所以就先叫咗一套三杯兩份分。正當二人諗緊應該叫一客二人套餐定係兩客單人晚餐時，經理哥哥隨即指出枱上面另一張優惠餐牌，告知店子現以特價$388力推鎮店菜式「凍海鮮拼盤」 。眼見原價為$680，honey一個人都可以食得哂成個拼盤，唔洗費神就決定叫一個拼盤，然後再分一個晚市套餐。凍海鮮拼盤（$388）：嘩，以水晶盆承載o既海鮮拼盤砌到好似盆花咁靚 ，比相片更為華麗震撼！白雪雪o既帶子鮮甜幼嫩。螺隻爽厚富彈性。蝦隻爽脆甜美。蟹鉗鮮甜嫩滑。龍蝦爽口得