肉肉大米香港3號店開左喇
位於葵芳新都會商場2樓
吧枱形式設計，係可以近距離睇住廚師煎漢堡扒即叫即整，煎到大約六至七成熟，就會熱辣辣送到你面前既鐵板上繼續煎到自己喜歡嘅熟度。
調味醬料區（附上一張大貼紙：教大家點去配搭醬汁），我就每款醬都試下👅。
1
套餐會有2/3塊漢堡扒、雞蛋、白飯同湯
食材都採用日本新鮮生蛋，日本🇯🇵東北虹煌米-每日都會精米機打磨去殼，而漢堡扒選用九州黑毛和牛與美國牛肉混製而成。
我地一次過試左原味、芝士、期間限定
南洋青咖喱三款口味 。每塊漢堡厚身多汁。
原味漢堡：
煎到外脆內軟 ，咬落去非常juicy。
肉汁滿滿 ,和牛味道好突出。
芝士漢堡：先是芝士片漢堡，原來都未夠邪惡，店員跟手過黎即磨芝士磨到山咁高 🤤,溶化左既芝士滲漢堡扒每口都有濃濃奶香，🧀芝士控必食😋
9月期間限定
南洋青咖喱: 青醬夾左甜甜菠蘿一片紅椒配埋juicy漢堡蘸埋充滿椰香咖喱汁，惹味非常。
最後連啲汁都唔放過，拆開漢堡扒慢慢沾黎食。
呢度既西蘭花、蜆湯及米飯 系可以無限續添、好抵食。推介男仕黎一定夠飽呀 !
呢度嘅蕃茄蜆湯好正 ,我都添左2次😋
要提提大家如果要黎呢間人氣超高💥 漢堡扒店，最好平日下午5點半左右就最好去到排隊。
鍾意啖啖肉既愛好者，《肉肉大米》絕對係
葵芳CP值之選！
