JD Euro (Jade) Cafe & Bar (Closed)

之前在這裏飲過酒，覺得這裏幾舒服，而且竟然仲有晚餐食，所以今次專登同另外一位朋友過嚟試一試。晚餐餐牌內有不同的套餐選擇，最後就選擇左一個二人套餐，再加兩碗湯。湯係豆湯，味道十分之特別，好香，而且十分濃郁，但係側邊有一粒檸檬，十分之特別，之後左落去之後，令到更加開胃味道，更加特別。之後小食就黎，十分之新鮮，而且有不同的青椒在裏面，第一次咁樣食，原來都不錯，反而唔覺得油的感覺。薄餅口感不錯，配上少少鹹的芝麻醬味道有另外一番特別。之後牛扒就黎到，牛扒上面有菜牛扒和薯蓉，薯蓉原來係用薯仔整出，所以十分之香滑，而且仲保留左少少薯仔入面，口感好好。牛扒都算大塊，牛味好味。這裏每一款的菜式都有木盤在下邊，十分精緻，之後我哋見到有土耳其咖啡就叫了一杯，侍應用熱沙上面轉圈，令到咖啡再整熱，倒下一個銀色的杯，十分之有特色。