四寶食堂 (Closed)

呢間餐廳裝修好特別，外面望入去見到好大幅花牆，睇裝修會以為係一間港女打卡餐廳，但睇真啲，幾張窗口位嘅枱都坐咗大叔們 😆 立刻覺得親民咗，今日就黎試下佢地嘅下午茶餐啦。🍴 瑞士汁雞脾配菠蘿油聽個名就知係邪惡增肥餐 😆雞脾肉質都嫩滑，加上瑞士汁甜甜地幾好味。而菠蘿油入面塊牛油唔係好大塊，食落好香牛油味，但又唔會太過油膩感，而個包就正常味道軟熟。🍴 東京黑蒜蔥油撈公仔麵 配自家製吉列豬扒公仔麵好多蔥，食落啖啖蔥油香味係幾香，但食到後期會覺得有啲咸。吉列豬扒就正常味道，不過不失，係豬扒邊邊位會有小小硬。