校長燒肉日韓料理 (沙咀道) (Closed)

又到晚飯時間～仔仔想食燒烤，我想食打邊爐，點算呢～～～其實好簡單，去 #校長燒肉 日韓料理 食就搞掂晒😊一個價錢，多種食法，皆大歡喜😁可以燒肉、又可以打邊爐、晚飯小菜點心又可以，連日色魚生壽司都有👍👍👍淨係燒肉款式已經多不勝數有豬、雞、牛、海鮮、腸仔、餃子⋯⋯而打邊爐都有三款湯底可供選擇有壽喜燒、日式豬骨濃湯、麻辣湯底~最正梗係揀鴛鴦湯底啦😂仲有各式各樣嘅沙律🥗車厘茄、粟米、沙律菜、涼拌等等等緊燒肉時間，仲可以食好多美味嘅熟食蒸點：鳳爪、排骨、沙嗲金錢肚、鮮蝦燒賣⋯⋯熟食小菜：東風螺、腸仔雞翼、南乳豬手、咖喱薯仔⋯⋯炸物：春卷、薯條、雞粒、薯波⋯⋯壽司：三文魚、熟蝦、甜蛋等刺身都有新鮮厚切三文魚、希靈魚、仿鮑片等咁多美食又點少得各式各樣嘅汽水呢，除咗汽水之外，啤酒都係任飲㗎！之後到最愛嘅甜品區🍮甜品都有10多款以上雞蛋布甸、仙草白涼粉、士多啤梨啫喱、奇異果果凍、冰花寒天⋯⋯仲有自製草莓乳酪雪糕🍦和各式各樣的甜筒雪條😍如果食得太多凍嘢，仲可以沖番杯熱辣辣嘅花茶飲🍵總括來講，呢度嘅美食種類多，食物食材都新鮮好味，環境舒適，最重要價錢親民，評分5分😄