浪人日本料理 (Closed)

今晚去左浪人日本料理食放題，難得佢唔限時上到去見到環境寬敞，枱與枱中間都隔好遠，坐得舒服有自助沙律、燒烤、刺身吧，其他都可以寫單落order先食刺身，款款都即切，新鮮爽甜天婦羅，即叫即炸，上枱仲係熱辣辣沾既炸粉份量適中，食落唔會一口油尤其欣賞秋葵同蝦其他炸物，幾鐘意個吉列紫竽栗子餅外脆內軟，紫竽好滑，食到中間仲有成粒栗子，夠哂驚喜，又唔會太甜甜品吧超級正，好高質好多選擇，而且係外面少見既有即整既焦糖燉蛋同日本雪糕Cake方面我最鐘意焙茶芝士餅，食落有好濃既焙茶味，芝士唔會好漏伯爵茶卷蛋都唔錯，茶味香濃仲試左朱古力tart，曲奇餅底香脆，朱古力唔會過甜食到好滿足既放題！