大滿喜日本料理 (Closed)

我地今次食9點半嗰個時段，所以人唔算多，早到左等左大概5分鐘就可以入得啦! 放題頭盤當然係刺身啦，啲三文魚好厚切，自己超鐘意食三文魚，所以超滿足，另外一大驚喜係八爪魚，我自己平時都唔係好食八爪魚刺身，但呢度既八爪魚刺身係好彈牙同埋好新鮮，ENCORE再ENCORE! 另外呢度既壽司都好特別同唔常見!自己覺得較特別既係鹽燒左口魚邊同辣汁大蝦!值得一試! 小食方面同其他放題差唔多，自己覺得比較好味既有芝士焗扇貝同泰式生蝦! 芝士焗扇貝夠多料，生蝦都夠新鮮! 呢度既飲品都多選擇，我自己飲左蜜桃烏龍茶，飲左兩罐夠消濟! 呢度overall唔錯，食物選擇都算多，值得一試~