PARADISE DYNASTY (Grand Plaza)

試咗「特式皇朝小籠包」，絕對係必點之選！八色小籠包分別係原味、絲瓜、鵝肝、黑松露、芝士、蟹粉、蒜香同川味。跟住建議由淡食到濃，每一款都有獨特驚喜，蟹粉同黑松露味真係特別出色！

宮保腰果雞丁 炒得夠鑊氣，辣椒乾同醬汁嘅甜辣比例啱啱好，非常惹味。腰果香脆，雞丁嫩滑，口感同味道層次都好豐富。

蟹粉兩面黃 有驚喜！同一般幼麵唔同，佢用粗麵煎到脆卜卜，食落好似巨型版點心麵，口感極佳。蘸埋鮮味滿瀉嘅蟹粉醬，真係滋味無窮。