中午時間好多人，好彩吧檯仲有位唔洗等~
食緊既時候出面排晒隊，要等叫號碼。menu 既圖全部都好吸引！！！
隻熊貓好得意呀！
選擇困難症又發作啦！
連店名都叫芭菲就當然一定要叫芭菲啦！
最終叫左日式精選抹茶芭菲同埋宇治抹茶心太軟。
日式精選抹茶芭菲
有好多toppings 呀！！！
抹茶軟雪糕好濃抹茶味，奶香重，好滑！
軟雪糕下面有好多脆米同生果！抹茶海綿蛋糕鬆軟唔算好濃抹茶味，但好有蛋香。抹茶蕨餅煙韌，抹茶味較濃。
最底仲有抹茶啫喱添！讚！
三色小丸子好煙韌，好有咬口！
宇治抹茶心太軟
賣相好靚呀！！！
呢度既心太軟係心型架！
中間用水果砌成一朵花，好有心思！！！呢個抹茶雪糕同芭菲既軟雪糕唔同，呢個係雪糕球所以硬身D，但都好重抹茶味！
主角心太軟外皮脆脆地，裡面鬆軟，好容易切開，抹茶餡立即流晒出黎
份量好多！！抹茶味好濃！！！
整體來說，甜品性價比高，滿足度爆燈！
今日主要想食甜品冇叫熱食，旁邊幾枱都叫熱食，下次可以再戰熱食！
