源都冰室

懷舊冰室晌香港已經買少見少，仲要落於環境清靜嘅高山道，當日風和日麗心情大好又餓餓地路經此店，諗都唔諗就入店一試。

店內裝修的確好有情懷，大部分都係如假包換嘅舊物，童年回憶真係即刻番晒嚟！

懷舊完畢，醫肚先。我叫咗一個火腿煎蛋飯加杯熱奶茶。杯奶還可以。但個飯呢⋯⋯

火腿煎蛋飯，其實係只要有些少誠意就能做得好的碟頭飯，但都可以整得咁難食！

煎蛋全熟乾爭爭，仲要得一隻；火腿就煎都冇煎就咁放晌度；個重點甜豉油⋯⋯係唔甜嘅，我甚至懷疑佢係咁二落兩滴生抽了事。非常咁求其！

除非淨飲，否則真係唔駛幫襯。