一去到唔洗等直接入都幾開心，但入到去周圍坐滿哂人，安排左個角落仔俾我地，感覺似野草絕處逢生！
又要面對咁多選擇... 好難揀呀！
好彩朋友同我我三個都中意食榴蓮，見到D同榴蓮有關嘅甜品就已經bling bling眼
我地發覺都幾多榴蓮的甜品。最後就要左榴蓮飄香～榴蓮飄香一嚟到已經好香榴蓮味，食落仲啖啖榴蓮肉，正！
加上食落唔會太甜，食哂成碗都仲係覺得唔夠喉呀！
另外朋友就要左雜果涼粉條，反而個涼粉就有d遜色
因為除左幾重奶味就無其他特別，佢都話下次要食返榴蓮嘅甜品。哈哈
甜水食完去埋單，每人都係三十幾，認真抵食，下次要帶其他朋友再嚟食。
