長阪燒 (Closed)

今日下午去左公司附近食日本野，裝修好靚，環境好優雅，好舒適！午市餐牌選擇都算多，價錢都算合理！落單後店員隨即送上麵豉湯，好足料，而且唔會太咸，味道剛剛好！我選擇左滿瀉角切魚丼，店員送上檯時，我嚇得目定口呆，因為果真如其名，滿到不知應如何入手！而用料方面有三文魚、蟹籽、油甘魚、帶子、甜蝦、三文魚籽及青瓜粒，其中最出色是油甘魚，油脂分佈剛好，而帶子及甜蝦亦非常鮮甜味美，配上青瓜粒，不會太膩！總捨而言，雖然碗仔細細，但好多飯，好豐富，好滿足！