Video
Read full review
2022-11-20
13 views
行過天后，見到有間粵菜小店，感覺幾新穎同文青！睇完個menu，見有粥又有麵、小食，一於入去試下先🤭生滾魚腩粥：粥食落好綿同清甜，魚腩好鮮食落啖啖肉！柱侯牛腩撈麵：店員話推介呢個必試，柱侯醬煮牛腩，D牛腩炆得幾淋身，幼麵好彈牙，上面再加左滿滿既薑蔥，好好食！蜆蚧鯪魚球：呢個鯪魚球係自己打既，所以食落好彈牙，重魚味，仲帶有幾香既陳皮味。同一般出面食既好唔同。炸兩：腸粉皮好滑，厚薄岩岩好，入面既油炸鬼少脆，再連埋3色醬，包括花生醬，豉油同甜醬，送粥幾岩！爽脆灼鯇魚皮：白灼魚皮係香港愈來愈少見，因為佢真係工夫菜，工序好繁複，估唔到可以係到食到😍食落好爽脆、滑身，上面有埋薑蔥醬油，好惹味。呢間值得再去！當日已經係夜晚成10點，都不停仲有人入黎食，都証明左佢既食物有一定質素。環境：⭐⭐⭐⭐價錢：⭐⭐⭐⭐⭐味道：⭐⭐⭐⭐⭐📍味滿天后電氣道64號地舖
生滾魚腩粥：粥食落好綿同清甜，魚腩好鮮食落啖啖肉！
柱侯牛腩撈麵：店員話推介呢個必試，柱侯醬煮牛腩，D牛腩炆得幾淋身，幼麵好彈牙，上面再加左滿滿既薑蔥，好好食！
蜆蚧鯪魚球：呢個鯪魚球係自己打既，所以食落好彈牙，重魚味，仲帶有幾香既陳皮味。同一般出面食既好唔同。
炸兩：腸粉皮好滑，厚薄岩岩好，入面既油炸鬼少脆，再連埋3色醬，包括花生醬，豉油同甜醬，送粥幾岩！
爽脆灼鯇魚皮：白灼魚皮係香港愈來愈少見，因為佢真係工夫菜，工序好繁複，估唔到可以係到食到😍食落好爽脆、滑身，上面有埋薑蔥醬油，好惹味。
呢間值得再去！當日已經係夜晚成10點，都不停仲有人入黎食，都証明左佢既食物有一定質素。
環境：⭐⭐⭐⭐
價錢：⭐⭐⭐⭐⭐
味道：⭐⭐⭐⭐⭐
📍味滿
天后電氣道64號地舖
Post
