喜來稀肉 (金巴利道)

Open Now

Now Closed

同男朋友去完韓國返嚟，真係好掛住個邊既烤肉！短期內都唔會有假再去，所以唯有係香港食韓國烤肉。配菜無限refill 如果講起係香港數一數二既韓國烤肉，喜來希肉係我既首選，因為有「韓國風味」！店員先為我地倒蛋醬~Menu:餐廳環境寬敞、舒適，仲有韓國人侍應，令人置身於韓國。我同男朋友叫左一個「牛拼盤」、生牛肉拌飯同埋五花腩。「壹頭牛」叫「壹頭牛」可以食晒五個唔同部分，好啱兩個人食。我最中意就係牛肋骨肉同埋烤調味牛排，超有牛味！五花腩最中意呢度既配菜 (芽菜、泡菜、生菜等）無限添加！用生菜包住五花腩真係好正，有口感之餘又減少罪惡感。生牛肉拌飯本身對生牛肉拌飯無乜興趣，但係呢度既生牛肉拌飯又真係幾似係韓國食既。雖然喜來希肉的價位比較貴，但是肉的質素和店員的服務實在是物超所值。