Terrace in seaside (德福廣場1期)

Open Now

Now Closed

之前有喺海港城食過呢間餐廳，覺得啲嘢食都唔錯👍🏻，今日行經過德福廣場，見到係新開嘅分店，決定入去再食。座位有餐廳內同埋外邊，都幾闊落！🫣〈水果忌廉三文治〉🍓🍇🥪之前都有試過水果幾點三文治,佢嘅忌廉味道都幾特別,所以今次再encore ,三文治入面嘅生果超甜超豐富。〈韓國蜆肉飯〉🐚🥘呢款煮食我都幾推介比鍾意食蜆肉嘅朋友，蜆肉嘅份量非常之多，而且有經過調味，一啲沙都冇，夾埋旁邊啲飯一齊食，少少辣，真係好好味！〈蟹籽雞蛋蘋果薯仔沙律〉🍳🍎🥔🥗呢款沙律嘅配搭正好啱我心意，蘋果同薯仔嘅份量都好多，蘋果爽脆唔酸，沙律醬有特別嘅調味，好快就清晒成碟。〈清甜柑橘窩夫〉🍊🧇少女心梗係要食啲甜品開心吓啦，所以就揀咗窩夫試吓，味道方面揀咗餐廳推介嘅柑橘，窩夫外脆內軟，非常有蛋香同牛油香，果然熱辣辣新鮮整出嚟嘅味道係最正，再加埋忌廉同韓國柑橘，係成餐飯最推介嘅食物！〈熱情金菠蘿沙冰〉🍍🍹〈濟州柑橘乳酪〉🍊🥛呢兩款都係餐廳推介嘅飲品，前者味道好清甜解渴；後者口感濃厚，甜度低，兩款都值得一試。