悅火 (Closed)

🐾悦火Pu媽今日約左大同食飯~ 為左回味想當年留學的幾年黃金歲月，今次就去左呢間bookmark己久的日本正宗爐端燒同朋友chill下~ 餐廳行正宗日本居酒屋風格~燈籠，祈願所，榻榻米個室，太鼓等等都蘊含和式風味🏮✨前菜四點盛(海螺，八爪魚，日本溫室蕃茄仔，鴨胸配黑醋汁)一口size作為前菜剛剛好，八爪魚同海螺甘香彈牙，溫室蕃茄超級甜，黑醋汁唔會太濃味突顯出出鴨胸本身的鹹香味✨刺身 兩點(油甘魚，樁魚)非常新鮮，厚切更突顯魚脂豐盛口感一流✨ 爐端燒燒物 八品 (焦糖車厘茄，日本雞肉串，黑豚五花腩，牛小排，白鱔，牛舌，秋葵，日本小番薯)配 柚子辣椒，岩鹽海鹽，檸檬 因為坐吧枱所以可以見到廚師即燒表演，上菜的時候仲係熱辣辣㗎😆全部都燒到恰到好處，牛雞豬肉質嫩滑juicy，白鱔外皮鬆脆但係鎖住到d精華係魚肉到，令人回味無窮~ 烤蔬菜都非常驚喜架😋小番薯同車厘茄都係源自日本，所以非常香甜。烤秋葵真係第一次食，口感都幾特別，可以一試。✨豆腐魚湯食完烤肉後來一個清淡口味的湯沖淡一下油膩感啱啱好~ ✨海膽鵝肝炒飯海膽同鵝肝非常夾，好奢華的美味✨豆腐，開心果雪糕飯後小甜點，唔會太甜小小一球啱啱好~ 🎁