先試下佢地既熱食，有北海道白味噌拉麵$29同特盛牛肉烏冬$27，兩款嘅價錢都唔貴。白味噌拉麵係以豚肉為主角，豚肉軟嫩柔軟，好入味，煙煙韌韌，拉麵湯底唔會太鹹，有啲海帶仲有粟米，啲麵條都好好食🍜🍜
之後試佢地唔同既壽司，特大天然赤蝦$17一件，蝦肉大塊爽甜彈牙鮮味十足；北海道三文魚籽軍艦都係$17一件，三文魚子好多粒，粒粒都好爽甜，卜卜聲，充滿三文魚嘅香味；大松葉蟹腳就貴少少，$22一件，但係蟹腳真係好大條，正宗嘅松葉蟹腳，所以味道好香；而炙燒鹽味檸檬WAGYU烤牛肉亦超級好食，真係和牛去燒，充滿牛肉嘅香味，加埋檸檬同鹽，味道更鮮🍣🍣
