黑木亭居酒屋 (清風街) (Closed)

朋友升職緊係要搵間靚靚餐廳慶祝下啦，今日就揀左呢間位於天后嘅黑木亭。先嚟個日式薯仔沙律，薯蓉加上超新鮮嘅粒粒蟹籽，食落卜卜爆開，為沙律增添風味。甲殼燒鮮味十足，用多士伴食十分匹配。重頭戲係日本和牛海膽飯，和牛同海膽滿佈飯面，牛肉脂香四溢，珍珠飯更盡吸牛肉油份，海膽潤澤鮮味，啖啖回味。串燒款式夠多，其中鰻魚串燒係我嘅最愛，鰻魚肥美厚肉，咬落皮脆肉爽，油脂豐富，非常美味。飲品造型十分吸引，粉色士多啤梨沙冰加上立體小熊冰塊，很適合影相呃like。