夫妻沸片-台式麻辣火鍋 (Closed)

行過雅蘭中心，見到有間台灣野食，就去試下。呢間要落一層，環境好大，不過都幾暗，幾有台灣特色，張台都好大。我地下午去，所以無打邊爐。就叫左個套餐食，龍躉海鮮繪鮮番茄湯加台式拌麵。個番茄湯真係幾好飲，好濃郁，有兩塊龍躉片同青口同一隻蝦。同個拌麵係分開兩個碗上，但係又係同一個盤，真係無改錯名，夫妻菜。個拌麵真係好好食，本來我無咩期望，但真係好有咬口，加上香料，好好味。鐵觀音珍珠奶茶，好好飲，他們的珍珠好細粒，但係好彈牙。