鮮餸便當 (Closed)

屋企有老人家生日，揀左呢間新開張既飯館，由大廚發板，有驚喜。花膠燉湯夠火喉，唔苙口，炸子雞外脆內滑，我地一圍人，要求要兩隻龍蝦，大廚都算闊佬，訂左兩隻大龍蝦，上湯夾埋伊面點都無得輸，條魚好新鮮，蒸得啱啱好。其實最驚喜係菜名唔起眼既香芋炆扣肉，炆得啱啱好，肉滑入味，芋頭夠粉，送飯一流，估唔到咁普通既材料都整到咁好食，好考大廚功夫。甜品收尾，桂圓梨甜而不膩，雖然肚飽都忍唔住要塞落肚，我地全家都好滿意，一定會再幫襯。