睇睇佢D餐牌，選擇好多，有單叫一款餸，又有套餐可以揀。
片皮鴨兩食
呢個餸幾抵食，因為見住佢片左好多鴨肉出嚟
將D肉點少少醬，加埋青瓜同蔥包住，咬落D皮好脆，仲有肉汁同油香味。
我地另一食揀左苦瓜，鴨肉唔係索左太多苦味，怕苦嘅我都覺得OK。
海皇櫻花蝦炒飯
個飯炒得乾身，除左櫻花蝦仲有其他海鮮，份量十足！
清蒸沙巴龍躉斑
呢個魚好新鮮，魚肉夠滑，呢個價錢可以食到呢款魚算係幾抵食
杭州小排骨
呢個有D似糖醋骨，肉質偏肥少少食落甜甜酸酸幾開胃
燒汁京蔥野菌炒海參
海參同野菌都係比較淡口嘅食物，配左個燒汁同京蔥，味道就香好多，京蔥少少爽脆，海參夠滑，口感十足
甜品叫左個椰皇燉燕窩，面頭有燕窩，食落係好滑嘅燉蛋，加上有椰汁嘅甜味，食完呢個甜品係完美嘅一餐
