今日星期五 六點收費$178+1 入到去都未爆場。 一坐低 立刻點刺身 ~ 唔洗五分鐘已經到檯，速度要讚讚！不過冰山貝無論我寫六定十塊，佢都只係黎得四塊....
心諗，唔緊要，食完再點。。
食緊刺身同時 立刻點炸物，因為想攤凍少少食 無咁熱氣
紫心香芋丸，芝麻雞翼，芝士年糕。。呢啲都係必食 ，香芋丸極力推介，甜甜地 口感好正！我仲encore左兩次添！
卷物都幾好，有四款 ，我地點左三款
香芒田園卷 ， 芝士蝦卷，芝士鰻魚卷 ，啲 飯唔會太大舊 ，可以一試。
十分之欣賞吉壽啲熟食，每樣都係熱辣辣，溫度夠。
燒雞軟骨：無落鹽，太乾 ，都係大x喜好啲！
羊鞍：入味好“林“
牛柳粒：好重雪味，麻麻地
炒帆立貝：可以不試
燴牛尾：好正！好香好入味
豬軟骨：蘿蔔好好味，主角豬軟骨反而一般
燒雞翼：正！我一個人食左十隻！
燒菠蘿：酸酸甜甜，消滯一流！
炸蕃薯：推介 , 口感一流！
牛乳海鮮鍋：內有 有菜 青口，蝦，豆腐
甜品 ：雪糕 雪條 燉蛋 （凍）
燉蛋亦都好正好好味
呢餐好滿意 ，最重要係無漏單，侍應又友善所以食得好開心！very good ！！
1
1
