大樹燒烤 (Closed)

天氣開始好熱，咩都冇咩胃口，又提唔起食慾，更唔想食得好飽，諗黎諗去，朋友建意去食四川串燒。 吓，咁熱仲食串燒? 佢話呢間唔會好辣，而且廚房會事先燒好，再攞上枱比客人熱住食，所以唔會好熱，又可以唔駛食好多。 所以今晚就試下。朋友介紹尖沙咀既大樹燒烤，好彩有訂枱，因為地方唔係好大，冇訂枱真係未必有位。好特別佢地個爐上枱係會放一塊牛油紙係燈面咁燒既，真係好聰明既做法，咁樣燒個爐真係會乾淨好多，又冇咁易燶 ，健康好多。叫左白鱔，台灣腸，鮮牛肉串，彈牙墨丸，雞全翼。因為用牛油紙隔住，係好燒啲但都會慢熱啲。不過天口咁熱都唔洗食咁熱野啦。白鱔都夠爽，墨丸夠大粒，唔會回縮，雞全翼都好入味。個燒餅好得意，自己包餡都ok wor。燒鯖魚都好嫩。最後係清熱消暑既山楂冰粉，餐串燒真係食得好完滿。