星幕

Open Now

Now Closed

九龍東最滿意嘅下午茶--星幕，餐廳位於將軍澳嗰間皇冠假日酒店嘅頂層，環境舒服，勁開陽，仲有室內同室外，啱晒同閨蜜慢慢嘆下午茶。佢新出咗個牛角酥窩夫餐，勁抵食，每份$128包埋嘢飲。窩夫仲有分甜同鹹，我就一定會揀甜啦，因為佢配埋Häagen-Dazs雪糕呀，咁嘅價錢可以食到五星級酒店下午茶，一定要去試吓啦☺️我哋叫咗韓國草莓配草莓雪糕，同埋芒果熱情果配雲呢拿芒果熱情果雪糕。士多啤梨大大粒，窩夫勁脆，上面有層cream，最上面就係一球士多啤梨雪糕，再加少少餅乾碎，真係大滿足呀。而芒果熱情果就相對冇咁甜，酸酸甜甜，非常好味，雪糕入邊仲有朱古力碎，非常正。兩個窩夫都賣相一流，又好味又好睇，啱晒打卡。另外嘢飲選擇都好多，有幾款唔同嘅咖啡，同埋好多款熱茶。我哋要咗凍latte同埋白桃熱情果茶，另外可以加$40加一杯 sparkling wine添呀。非常滿足嘅下午茶，環境、服務同埋嘢食都非常唔錯，大家記得去試吓啦。