Bones & Blades (萬年街) (Closed)

叫咗兩份 lunch， 一份漢堡另一份牛扒。頭盤可以選擇沙律或湯，各要了一份。骨膠原湯係用骨煲，個湯真係幾好飲，清清地。唔似加咗好多味精，飲完唔會好口渴。沙律啲菜都好新鮮， 咬落去爽脆。鍾意佢個汁好開胃。但係個主菜真係唔得囉。牛扒好細塊，但厚身。 烤過，焦焦地， 非常期待。叫medium rare 但切開已經過熟。韌，肉質鞋，無肉汁。 好辛苦啃咗個牛扒，好彩唔係好大塊。漢堡包，我鍾意食呢隻麵包，好軟身。但佢用得太多牛油去烤，食完成好囗油。 一咬落啲油流到成手成枱都係，會唔會over咗呢？ 塊芝士完全係唔溶，仲有啲凍凍地。 塊漢堡扒係做得幾好，粉嫩色。但食唔到啲肉汁，因為已經成口油。如圖： 裝漢堡包的隔油紙滿是油，和少少肉汁。 而包面係令到反曬光。個薯條正正常常啦。想攞個茄汁都等咗勁耐，最後自己serve自己。今次坐喺二樓做孤兒仔，坐咗十分鐘都未有人上來點餐。嚴重understaff。