Video
Read full review
2018-04-29
79 views
身為火鍋控必定會四處尋食，而前排接男友收工，搵到滾得囍宮廷火鍋，兩個人滾完之後，真心覺得滾得盞！呢度係一間走華麗宮廷風嘅火鍋店，除咗火鍋之外，亦有好多小炒供選擇，而我地當然主功火鍋啦。一入門口就有張金碧輝煌嘅龍椅，店內裝修得好似以前嘅宮廷咁，連燈飾、座椅全都一絲不苟，著實係心底裡加咗分。好啦，一坐低餐桌上有道「聖旨」同「接旨」，原來係點餐紙同埋簡介，哈哈，真心覺得有心思。前菜同醬料方面都盡顯餐廳嘅誠意，前菜都幾好食，雖然我地只係兩個人，但係餐廳絕不欺場，依然提供四款前菜俾我地。特濃冰凍洛神花茶 HK$38 (推薦指數：4/5)味道香濃飲落無糖水味，好冰凍，飲落味道帶少少酸，所以打邊爐飲更加令人胃口大增。康熙花膠雞湯鍋(半隻) HK$288 (推薦指數：5/5)呢度嘅湯底實在太多選擇，而我地見到其他枱都有點康熙花膠雞湯鍋，所以被呢個花膠雞湯鍋吸引住，真係好正好有誠意！！湯底雞味濃郁，色澤金黃，而雞係另上嘅，養顏花膠大大片而且非常厚身。餐廳教我地可以先飲雞湯，我飲咗兩碗先停口，然後再放入花膠，而本身雞經已有7成熟，所以食幾多落幾多就唔怕會嚡口。放落湯底滾一滾就可以食，龍崗雞嘅雞肉非常嫩滑有
搵到滾得囍宮廷火鍋，兩個人滾完之後，真心覺得滾得盞！
呢度係一間走華麗宮廷風嘅火鍋店，
除咗火鍋之外，亦有好多小炒供選擇，而我地當然主功火鍋啦。
一入門口就有張金碧輝煌嘅龍椅，
店內裝修得好似以前嘅宮廷咁，連燈飾、座椅全都一絲不苟，
著實係心底裡加咗分。
好啦，一坐低餐桌上有道「聖旨」同「接旨」，
原來係點餐紙同埋簡介，哈哈，真心覺得有心思。
前菜同醬料方面都盡顯餐廳嘅誠意，
前菜都幾好食，雖然我地只係兩個人，但係餐廳絕不欺場，
依然提供四款前菜俾我地。
特濃冰凍洛神花茶
$38
7 views
0 likes
0 comments
特濃冰凍洛神花茶 HK$38 (推薦指數：4/5)
味道香濃飲落無糖水味，好冰凍，飲落味道帶少少酸，
所以打邊爐飲更加令人胃口大增。
康熙花膠雞湯鍋(半隻)
$288
13 views
0 likes
0 comments
康熙花膠雞湯鍋(半隻) HK$288 (推薦指數：5/5)
呢度嘅湯底實在太多選擇，
而我地見到其他枱都有點康熙花膠雞湯鍋，
所以被呢個花膠雞湯鍋吸引住，真係好正好有誠意！！
湯底雞味濃郁，色澤金黃，而雞係另上嘅，
養顏花膠大大片而且非常厚身。
餐廳教我地可以先飲雞湯，我飲咗兩碗先停口，
然後再放入花膠，而本身雞經已有7成熟，
所以食幾多落幾多就唔怕會嚡口。
放落湯底滾一滾就可以食，龍崗雞嘅雞肉非常嫩滑有雞味，
食落絕對唔油膩，
呢個湯底呢個配搭個人覺得超值，
如果唔係太飽，呢個湯底絕對可以湯撈飯嚟食！！
手切飛驒和牛(100g)
$288
18 views
0 likes
0 comments
手切飛驒和牛(100g) HK$288 (推薦指數：3.5/5)
老實說呢個牛就有點點失望，上枱賣相非常精緻，
可惜油脂紋理分佈不算均衡漂亮，
雖然店員話可以兩食，但係見到仲係好冰，難以當刺身。
不過輕輕一涮之下，入口仍有入口即溶嘅感覺，
牛味挺濃而且食落好軟腍，不過不失，
可能打邊爐食返安格斯牛會比較合適，
下次多人嚟會點手切牛肉拼盤三試。
珍珠帶子墨魚丸(8粒)
$78
13 views
0 likes
0 comments
珍珠帶子墨魚丸(8粒) HK$78 (推薦指數：3.5/5)
自家手打嘅肉丸值得一試，入口彈牙，
絕對同平日街邊嘅肉丸口感完全兩回事。
墨魚丸入面有粒細細粒嘅珍珠帶子，能增加口感同鮮味。
海鮮拼盤
$368
16 views
0 likes
0 comments
海鮮拼盤 HK$368 (推薦指數：4/5)
我係一個海鮮控所以打邊爐點都要有海鮮先夠滿足，
不過兩個人打邊爐又真係好難嗌幾款海鮮，
所以呢個海鮮拼盤確係好啱兩個人share食。
拼盤入面有好多款海解，海蝦仲係新鮮到識郁㗎，
份量都幾足，兩個人食海鮮都食到飽飽呀。
特別一讚隻鮑魚好大隻又新鮮，入口彈牙爽口，
實在非常好食呀！！
窩荀
$32
25 views
0 likes
0 comments
窩荀 HK$32 (推薦指數：4/5)
窩荀係我每次打邊爐must have item！
呢度嘅窩荀好嫩口又唔老，好味道。
菜心苗＆竹笙
10 views
0 likes
0 comments
菜心苗＆竹笙 前HK$28 後HK$58 (推薦指數：4/5)
菜心苗好新鮮。
而竹笙份量非常足夠，抵食，食落好爽口，
加上又索哂雞湯，真係食得好爽。
窩荀係我每次打邊爐must have item！
呢度嘅窩荀好嫩口又唔老，好味道。
原來呢度每日都會有唔同嘅糖水送俾客人，
今日就有幸收到木瓜雪耳，煮得好好食，
唔會太甜但又可以清下熱氣，而且雪耳仲仍然入口好爽呢。
兩個人打就貴少少，每人6百蚊度，
但係呢度所有嘢食都好好食，我肯定會係短時間再嚟過！！
Post
