8鍋臭臭鍋 (謝斐道) (Closed)

臭臭鍋係台北灣引入香港嘅，感覺好新鮮所以要黎試吓啦！佢有尖沙咀店同銅鑼灣店， 而我呢就去咗銅鑼灣店！佢個環境好舒服架，位置都好闊落！坐得好舒服！加上佢店內有台式飲品可以叫，非常好！同埋唔好睇佢好似一鍋嘢好少咁，我同朋友兩個一人叫咗一鍋加小食，點知最後食唔晒！———————-招牌臭臭鍋——————其實臭臭鍋臭唔臭架呢？呢樣野就見仁見智啦，因為佢個味道好似臭豆腐咁，有人好鍾意， 亦有人覺得臭！一邊食就一邊覺得自己食緊不同食物嘅臭豆腐味！好得意！鍾意是新鮮野嘅人，真係需要一試！———————-蕃茄白豚鍋——————-雖然呢個鍋唔係招牌菜，但係我個人覺得好好食！ 因為佢個番茄湯底好濃！其他餸都好入味唔需要再點任何調味料！佢除咗白豚肉之外，其他都係素食嚟㗎！我好鍾意食菜所以覺得好好食，好啱我心意！————————炸花枝丸——————-等左一陣先到證明係真係新鮮炸嘅，佢嘅花枝丸精華係墨魚丸呀，都幾新鮮好有墨魚味同埋咬到有啲墨魚粒係中間！唔錯🤤總結：食臭臭鍋果然係唔錯嘅選擇，環境舒服慢慢坐慢慢食，味道唔差，一人一鍋份量啱啱好！