潮洲滷 (Closed)

今日lunch和同事經過灣仔街市尋找餐廳，見到有間［潮洲滷］，佢話之前食過豬手飯幾好食，今晚放工會買半隻鴨反屋企加餸，於是我就話不如lunch就食呢間，潮洲滷只可外賣，不設堂食！所以買反公司食！間鋪細細，但多人排隊架,我地叫左一人一盒豬手飯$39，個豬手飯好足料，好有咬口，仲有隻滷水蛋，豆腐和菜，另外送埋包飲品，抵！另加豬頭肉$20，我其實從未食過豬頭肉，聽同事話好正，食落去好骨膠原，豬大腸$22又入味，其實應該話全部滷水也好味！同事買定半隻鴨留返屋企加餸，我夾左幾件食，味道不錯，下次我都要買半隻反去加餸最後個斬料靚仔仲送多幾隻滷水蛋