潮洲滷 (Closed)

放工前阿女打電話來叫我加餸，燒味早幾日先食過，想起同事介紹灣仔街市有間外賣滷水店＂潮州滷＂幾抵食。去到見到原來除咗滷水鵝之外仲有滷水鴨，平宜很多，例如滷水鵝髀要百幾蚊，滷水鴨半隻都只是$65，身為精明投資者，唔使諗。回家睇清楚都幾大隻，肉厚大片，有脾，真抵，最重要是滷水汁都好味。滷水汁及醋汁分開袋是細心嘅安排，有些店擺埋同一個盒好易倒瀉。上唔到滷水大腸好好食，完全冇怪味，肉質很腍，唔覺得肥。鵝腎鵝肝及鵝掌一只，今晚好夠餸。