在家 (Closed)

嚮網上面睇到呢間藏於工廠大廈既細餐廳，好似好吸引，趁今日只返半日工，放工去食下先位於舊工廠大廈既頂層，餐廳細到得一張長方檯，每邊最多坐3人，所有三唔識七既客人都會圍埋一齊坐，相信係想營造''在家''既感覺，所以事先book定檯較為穩陣。職員服務態度算不錯，老闆娘亦會親力親為。甫坐低職員即奉上香茅茶及一碗熱騰騰既豆乳味噌濃蝦湯，當中有昆布及豆腐，蝦味濃郁好足料lunch time meal 一目了然，仲有today special，丼飯選擇多三色魚丼賣相鮮豔奪目三文魚、吞拿魚、鯧魚片夠新鮮，略嫌魚生較少，食完都唔夠送珍珠米飯旋風滑蛋炭燒雞飯滑蛋塔超滑又好味，內裡砌左幾塊雞排，醬汁醃得好入味，經炭燒後更香口，係必食之選由於係開放式廚房，廚師就嚮左近烹調，當客人增多既時候，略嫌油煙味散得唔夠快黎緊天氣開始轉熱，希望嚮散熱方面能好好改善，否則食物幾好味都只會趕客！