大記攦粉糕點專門店

Open Now

Now Closed

平日晚市到，店內大約有24個座位，座位與座位之間唔逼。餐廳出名用木桶盛載攦粉，有gimmick。叫左五花腩肉配墨魚丸攦粉($43)，蒜蓉豬扒攦粉($38)。攦粉滑，同米線既粗度差唔多，但會煙韌d既感覺。望落個木桶好細，但其實食食下，麵量多，所以好飽肚。每碗都有大量雜菜，仲有肉絲，湯底唔油膩，所以飲下無妨。配搭既主食蒜蓉豬扒煎香得邊邊位脆脆地，蒜蓉味唔太重。豬扒有大掌咁大塊，尼個價錢抵食。五花腩肉有起碼5塊，肉嫩，冇煮到變硬，d肉唔會zip牙縫。墨魚丸大大粒，雙併幾款配料都只係加$8。整體，抵食既粉麵，同平時食雲吞魚蛋粉麵既價錢差唔多，但用木桶盛載食物夠特別，而且份量足，抵。