吞POT 雞煲火鍋.住家菜 (山林道) (Closed)

天氣最近轉冷，係食雞煲打邊爐既季節呀！暖胃又暖身🥰見到呢間吞pot好多好評，又有花膠雞煲咁特別，就決定黎試下啦！位置唔算難揾，係樓上舖，一出𨋢就係吞pot，包覽全層，所以環境比較寬敞舒適安靜。坐低之後職員會攞啲豉油配料叫你落左先，落完再慢慢諗食咩，唔洗自己走黎走去裝豉油。我地得兩個人食，所以叫左個螺片花膠雞煲（半隻），雞煲黎到時啲雞已經熟左，可以即刻食，唔洗再等🥳雞煲好香，花膠都好大舊好好食，螺片花膠同雞都有好多，$208好抵食！我地仲叫左自家製響鈴，手打黑墨丸同桂花蚌。平時啲響鈴好油膩，呢款自家製響鈴就唔會，上菜時職員同我地講話新鮮炸起趁熱食，試下唔淥食一啖，好脆脆脆脆脆！淥完就變左好多層既腐竹咁，索埋湯汁，出色！手打黑墨丸好惹味，好彈牙，真係手打唔係急凍，完全食得出，個人認為黑墨丸好食過蝦滑，下次會試吓黑墨魚滑同丸有冇分別🤔桂花蚌未食過，叫黎試下，起初唔識淥，淥得唔夠耐，有少少腥，之後再淥耐啲，就好爽幾特別，可以一試，雖然係海鮮，不過偏貴，有興趣可以試下。