Video
Read full review
2021-07-18
311 views
「知粥嘗樂」喺北角開咗好多年，平日間唔中都會過嚟食下粥，不過店舖十分旺場，幾乎每次嚟都要排隊等位。今晚要去北角探個朋友，趁時間尚早，先嚟呢度食個 early dinner。無嚟一排，原來餐牌多咗唔少新出品，好似精品沙鍋粥、火山石燒扒、三杯雞石燒鍋等。有人話唔使去沙田都可以食到沙田雞粥 ($78)，咁梗係要試下。揀咗個小鍋，兩個人享用啱啱好。雞粥熱辣辣送上，雞件下得很慷慨，分量甚多，肉質結實富彈性，夠嫩滑又入味。粥底綿滑有米香，加上盡收雞肉精華，不用調味也鮮味十足。食粥又點可以無腸粉，點咗個 XO 醬炒腸粉 ($38)，腸粉用石鍋盛載，送上來時香氣撲鼻。腸粉熱騰騰，口感好滑，配合濃郁嘅 XO 醬香同墊底的芽菜一齊食，爽口又惹味。加點咗客三杯雞石燒鍋配白飯 ($70)，睇下幾足料，雞肉香噴噴，分量十足，肉質非常滑溜，㗳落有陣陣濃郁的金不換草香，十分香口，用嚟送飯一流。食完飯梗係要食返碗糖水滋潤下，好耐無食過蕃薯糖水 ($18)，蕃薯大大件，煲得好腍好香甜，而且色澤好靚，糖水薑味頗濃，啱我口味。腐竹雞蛋糖水 ($18) 亦不欺場，腐竹煲到溶晒，入口清香嫩滑，配埋隻雞蛋同薏米，相當飽肚。食完熱
「知粥嘗樂」喺北角開咗好多年，平日間唔中都會過嚟食下粥，不過店舖十分旺場，幾乎每次嚟都要排隊等位。
今晚要去北角探個朋友，趁時間尚早，先嚟呢度食個 early dinner。無嚟一排，原來餐牌多咗唔少新出品，好似精品沙鍋粥、火山石燒扒、三杯雞石燒鍋等。
有人話唔使去沙田都可以食到沙田雞粥 ($78)，咁梗係要試下。揀咗個小鍋，兩個人享用啱啱好。雞粥熱辣辣送上，雞件下得很慷慨，分量甚多，肉質結實富彈性，夠嫩滑又入味。粥底綿滑有米香，加上盡收雞肉精華，不用調味也鮮味十足。
食粥又點可以無腸粉，點咗個 XO 醬炒腸粉 ($38)，腸粉用石鍋盛載，送上來時香氣撲鼻。腸粉熱騰騰，口感好滑，配合濃郁嘅 XO 醬香同墊底的芽菜一齊食，爽口又惹味。
加點咗客三杯雞石燒鍋配白飯 ($70)，睇下幾足料，雞肉香噴噴，分量十足，肉質非常滑溜，㗳落有陣陣濃郁的金不換草香，十分香口，用嚟送飯一流。
食完飯梗係要食返碗糖水滋潤下，好耐無食過蕃薯糖水 ($18)，蕃薯大大件，煲得好腍好香甜，而且色澤好靚，糖水薑味頗濃，啱我口味。腐竹雞蛋糖水 ($18) 亦不欺場，腐竹煲到溶晒，入口清香嫩滑，配埋隻雞蛋同薏米，相當飽肚。
食完熱辣辣嘅糖水，再飲返杯凍冰冰嘅菠蘿冰 ($24) 真係超爽，入面有好多菠蘿，入口不太甜，好飲。
Post
