Bigger Burger Cafe (Closed)

是日同埋小胖女一家去食晚飯,小胖女帶住我地去佐敦呢間Bigger Burger Cafe食西餐餐廳主打菜係burger,我地落order當然唔會少得佢啦,點左一個burger,一飯一意粉同一份豬肋骨,夠哂一行四人食用,餐廳環境佈置帶歐陸風,用階磚做既枱十分搶眼,跟餐首先有餐包同餐湯,幾開胃,首先黎既係龍蝦汁大蝦扁,大蝦鮮味十足,意粉落埋辣椒仔夠惹味,之後就係小胖女指定菜式藍芝士煙肉安格斯漢堡,由於我地分4份黎食,份量小小唔夠,但食得出安格斯牛既肉汁同藍芝士醬既美味,,味道無得彈,之後就係另一味主食係香煎帶子黑松露意大利飯,面頭有好多碎芝士,同黑松露撈埋一齊之後個味道好特出,最後登場就係豬肋骨啦,份量十足,將佢分體時連埋酸酸甜甜既醬汁食,夠哂滋味,最後由於小弟唔飲酒既關係,小胖女點既手工啤酒就無緣一試啦,睇見應該都好正,各位大可以去試下