之前幫襯咖啡弄時，發現對面有間幾型格餐廳~
於是今個星期有空閒，即刻拉老公去開餐~~
對面馬路望到餐廳~ 以黑色外型配漢堡扒 XD
行上樓梯，見到”Meat King”~
用火爐裝飾好有氣氛~~
翻開餐牌見到漢堡介紹~~
每塊14 Cm ~ 好似好有份量咁~~
亦可以加幾十蚊享用半自助餐~~
但小妹Lunch、Tea 都食左好多野…. 唯有放棄半自助餐~~
不過加左18蚊配白飯 / 麵包~
任食白飯…. 老公食左3碗…嘿…
我就食左一件包，好重牛油香~~ 邪惡滿分~~
小妹的主菜：溫泉蛋他他汁漢堡扒~
額外再揀左黑椒汁~~
聽到鐵扒上醬汁滋滋聲~~ 心情就自然好 XD
漢堡扒鬆軟有肉汁~ 唔會死實實~~
但配他他醬有少少漏~
我更加鐘意老公個主菜： 香蒜牛油漢堡扒~
惹味而香濃~~ 簡單配個黑椒汁~~
已經好好下飯~~ 難怪大胃王配3碗飯~
