Baan Phadthai (Closed)

今日約咗好耐冇見嘅朋友一齊食飯。知道佢鍾意食泰國嘢，所以特登揀咗一間特色嘅泰國餐廳，去滿足佢對泰國嘢嘅慾望🤣🤣冬蔭功湯🍲- 餐廳嘅招牌菜式。顏色紅卜卜，未飲已經流晒口水！冬陰功湯非常足料，有勁多嘅海鮮係入面！但我最鍾意嘅就係虾！不但鮮可口彈牙，湯底嘅酸辣味令到成個虾嘅味道更突出！而且湯有好濃郁嘅海鮮味。味道同口感都非常豐富！非常好飲！黃咖喱軟殼蟹🦀- 咖哩有好香嘅椰汁味！軟殼蟹炸到脆卜卜，加埋微辣嘅咖喱汁一齊食。味道辣得黎十分惹味！呢個真係食到停唔到！燒豬頸肉🐷-豬頸肉份量大大份！而且燒得好香口。咬落去，外面有少少脆，但入邊就好彈牙！再點埋自製嘅醬汁連青瓜條一齊食，啱啱好中和返豬頸肉嘅濃味！呢個真係值得推介！真係滋味十足！👍🏻