味道樂居酒屋 (元州街) (Closed)

好耐無去日本旅行，好彩香港都好多有質素嘅日本居酒屋，今日就黎到長沙灣呢一間。室內細細間，但係裝修得好有日式風情。背影播放日本歌，與眼前的日式餐具正式帶我入去日本之旅。好赤貝$98切成花朵一般嘅赤貝，赤金色嘅外表非常吸引食慾，入口感到清甜爽口，沾上Wasabi吃也很不錯。香炸日本池魚仔$58日本池魚仔條條size差唔多好似手指尾咁大隻，排列整齊，炸到金黃色的池魚仔好香口，完全無魚腥味，外脆內軟。七味唐揚炸雞$68炸雞比較香口，雞肉仍然保持肉汁，雞肉肉質嫩滑。牛肉壽喜燒$128熱辣辣的壽喜燒，上枱後用爐火煲住，一直保持食物的熱度，將牛肉慢慢煮熟，盛一碗熱騰騰的湯伴隨菜、豆腐一齊食，帶來不一樣的滿足感。火灸北海道帆立貝蟹膏卷$98賣相吸引，如果想像菜名一樣口感豐富齊全嘅話，就建議將成舊壽司擺落口，如果分幾啖黎食嘅話，啲味就會分開就達唔到嗰個效果。午市套餐$98原來也是全日供應。