Tian Tian Hainanese chicken rice (New Town Plaza Phase III)

之前聽人介紹過呢間新加坡過江龍餐廳天天海南雞飯，今晚終於嚟試下啦～打開餐牌發現帶好多唔同嘅菜式，全部都好吸引，樣樣都想試下😍，下次一定要叫多幾個朋友嚟一齊食！

✨ 天天燒雞
燒雞外脆內嫩，加埋特有嘅香料同秘製醬汁，味道獨特香濃。

✨ 参巴辣椒炒通菜
通菜香口爽脆，配埋參巴醬蝦膏香辣，味道啱啱好，怕辣嘅話，點餐嘅時候可以選擇少辣，同樣惹味爽口🤤

✨ 黑醬油蘿蔔糕
蘿蔔糕口感豐富，外層仲有少少焦香，內裡軟嫩，仲有濃郁嘅香氣。 

✨ 雞油飯
叫咗幾款小菜，梗係要叫返碗飯啦～呢度嘅雞油飯粒粒分明，吸收晒雞肉嘅鮮味，每啖都有香味🍚

✨ 咖央醬炸饅頭
金黃酥脆嘅炸饅頭，脆卜卜之外，中間依然鬆軟鬆化， 配上咖央醬，忍唔住食完一個又一個！