一豚豬手專門店 (Closed)

滋味抵食之《一豚豬手專門店》今日好懶唔想煮飯，經過太安樓見到呢間豬手門口咁多，一於試試佢，真心有驚喜，份量大，抵食，好味，招牌黑椒豬 (1隻)：重量級原隻豬手，呢個招牌菜黎，份量非多常，豬手起骨切片放入盒，豬手肉質嫩滑，筋膜韌性岡好，味道鹹香容易入口，豬手面上有黑椒粒，但入口唔會好辣，配上酸辣醬，十分惹味，大阪脆腩卷(半磅)：新鮮出爐脆腩卷，搭車回家香都聞到陣陣香，食落個皮好正好脆口，嗦嗦聲，以厚切上陣，肉質軟淋，腩肉肥膏油溢，令人一口接一口，除左抵食，店員十分友善，不枉等左15mins外賣，真心好味！