上壽司 (Closed)

未嚟過諾士佛台、諾士佛階哩邊食飯，成日覺得好貴，唔抵，不過，聽朋友講依間嘢D午市定食又幾好食，所以，趁星期六收工走過嚟試吓！午市定食確實有幾多選擇，魚生飯、海膽飯、壽司加烏冬、刺身定食、蒲燒鰻魚、天婦羅定食、滑蛋雞肉、雜菜定食、燒汁牛肉、吉列豬扒……等等成廿幾款，價錢都係五、六十左右！依家趁佢午市做緊85折，都真係幾抵有得諗。結果揀咗2個定食，一個網燒牛扒定食，不過牛扒未返貨，少少失望咁啦，唯有改食咖喱豬扒定食（$58），咖喱當然係傳統日式咖喱，唔辣，帶少少甜，中規中矩，但件豬扒炸得幾鬆脆，又唔油；而另一個西京醬燒鰈魚定食（$68），就真係幾得，雖然要額外等20分鐘，都覺得值，因為件鰈魚燒得皮脆帶有少少焦香，肉質依然軟滑生熟程度啱啱好，又足甘香嘅魚油，好得吓！大部分定食都包沙律、前菜（茶碗蒸）、味噌汁（麵豉湯）、甜品（只係一粒蘆薈蒟蒻，較為失色）。整體都叫做幾豐富，不妨一試！