我知道佢哋嘅牛肉漢堡好高質素，但今日竟然想食素，可能近日食肉食得太多，所以叫了一個燒大菇漢堡，再加$20就轉Combo size，可配薯格、粗薯條或田園沙律及罐裝汽水。
唔好以為燒大菇好普通，其實比有肉嘅漢堡一啲都唔輸蝕，先睇大菇燒得好香，而且仲有2大塊，咬開後勁多汁，好juicy，一啲都唔乾，配埋芝士及醬汁，真係滋味無窮。而且麵包上佈滿黑白芝麻，麵包都有煎一煎再夾上餡料，整體上都非常可口。
粗薯條份量剛好，帶點乾身，炸到不會太油膩，仲有啖啖厚肉薯味，我很喜歡呢款粗薯條。
任何食物都係即點即製，漢堡同薯條齊齊熱辣辣送上， 要趁熱食更滋味。
