阿詩瑪壹菌 (Closed)

滇菜其口味特点是鲜嫩、清香回甜，酸辣适中，偏酸辣微麻。平時好小地方會有得食，我睇中它係因為拒好吸引的燉湯，隨著出去的應酬日子多了，煮飯小了，湯水自然少咗，所以喺出邊就想飲返多啲滋補，冇味精嘅湯水。雲南功夫氣鍋雞，入邊用咗好多唔同嘅菌類去煲，都有雞腳，瘦肉等等好多嘅材料整。一煲大嘅湯只係有4小碗，材料集中，一定好滋潤。叫咗個水煮肥牛片，相對於鮮牛肉來講，我鍾意食肥牛片比較多啲，因為中意有d脂肪。佢呢一個水煮牛肉同四川嘅水煮牛肉有啲唔同，佢個湯底無甘多油，會比較有味。明顯有經時間煮過，而辣度就冇咁辣，麻味都只有小小，啱啲唔係咁鍾意食辣嘅人，可以一嘗水煮牛肉嘅味道。金奬白肉即係川菜嘅蒜泥白肉，但係佢嘅味道會較為淡少少，蒜蓉味會重少少，有自己的一番風味。滇醬肉絲餅，用咗片皮鴨嘅皮包住特製嘅醬汁炒瘦肉絲，仲會有京蔥同埋青瓜，卷埋一齊食更覺滋味。最後想同大家一齊學下字，原來呢個滇字係讀（田）並不是(慎)，原來我一直都讀錯，唔知大家又係唔係呢。