Video
Read full review
2009-09-13
5 views
我想大家都會同我一樣...當人提到Grill Steak之類嘅食物或餐廳，大家很快會想起Stone Grill 或者Pepper Lunch。但有一次係D雜誌介紹Grill Steak嘅食物時，見到介紹呢間餐廳，已經覺得好似好吸引，好味。正因為老公大人生日，一直都想食Grill Steak，於是諗住試下啦。其實當初都有諗過去Stone Grill個間，但諗下諗下係酒店慶祝生日應該好d，於是Book左呢間。去之前係呢度Open Rice已經見到大家嘅Comments好好，而自己又Search過其他人嘅網上Comments，發覺都俾好好嘅評分，所以我地都好有期望咁去啦。果然感受到大家嘅Comments，呢間餐廳係食物同服務方面真係好好。雖然自助頭盤同自助甜品係附設，但種類可算已經多啦，凍盤有蝦、青口，雜錦凍肉等，其中個凍燒牛肉好Yummy呀!飽方面，仲竟然有印度薄餅俾你自己烤甜品嘅種類亦有tiramisu...忌廉Puff等等，味道唔錯主棻我地叫左鮑魚牛柳，鮑魚西冷。Waiter真係好細心，教點樣Grill同埋點樣 、幾時反會好味同點樣可以帶出食物嘅鮮味，服務真係好專業同細心。咁當然d鮑魚
但有一次係D雜誌介紹Grill Steak嘅食物時，見到介紹呢間餐廳，已經覺得好似好吸引，好味。正因為老公大人生日，一直都想食Grill Steak，於是諗住試下啦。其實當初都有諗過去Stone Grill個間，但諗下諗下係酒店慶祝生日應該好d，於是Book左呢間。
去之前係呢度Open Rice已經見到大家嘅Comments好好，而自己又Search過其他人嘅網上Comments，發覺都俾好好嘅評分，所以我地都好有期望咁去啦。
果然感受到大家嘅Comments，呢間餐廳係食物同服務方面真係好好。雖然自助頭盤同自助甜品係附設，但種類可算已經多啦，凍盤有蝦、青口，雜錦凍肉等，其中個凍燒牛肉好Yummy呀!
飽方面，仲竟然有印度薄餅俾你自己烤
甜品嘅種類亦有tiramisu...忌廉Puff等等，味道唔錯
主棻我地叫左鮑魚牛柳，鮑魚西冷。
Waiter真係好細心，教點樣Grill同埋點樣 、幾時反會好味同點樣可以帶出食物嘅鮮味，服務真係好專業同細心。
咁當然d鮑魚同牛好新鮮，個件牛嘅份量仲好大份，同個價錢黎比，真係好抵食。仲有呀..如果唔係個Waiter提醒要將 牛柳切開再Grill，我真係會搞"禾"件牛柳，因為件牛柳都好厚!
總括而言，今次真係又好味，又好玩嘅一餐。
我老公都奇怪點解咁好味，咁抵食嘅餐廳會咁少人，因為成晚只係得大概5-6枱，我地都覺得宣傳原來好好緊要啦，或者呢間餐廳就係無宣傳，大家遺忘左滄海中的珍珠啦。而且如果唔係個本雜誌介紹Grill Steak嘅食物介紹呢間餐廳，我想我都expect唔到2星嘅酒店會有咁好好味、抵食又服務好嘅餐廳。
Post